Tendo coñecemento no IES de Curtis da proposta promovida pola Confederación de ANPAS Galegas relativa ao presente concurso “Somos Rural”; dende o Departamento de Educación Plástica, Visual e Audiovisual se considerou que dita proposta encaixa perfectamente co curriculo educativo de 3º ESO na materia de Educación Plástica no que se refire ao coñecemento do video e deseño gráfico pero tamén nos aspectos relativos ao Plan Proxecta + que desenvolvemos co título de “cós pés na terra”, proxecto que pretende coñecer a Historia da Arte e o Deseño Plástico dende o máis cercano aos alumn@s (as manifestacións artísticas e culturais do seu concello e bisbarra).

No IES de Curtis existen no Curso 22-23 tres grupos de aula en 3 ESO. Propúxoselles crear 2 grupos (pois 3ºC e 3ºB reciben docencia conxunto e formalmente forman un so grupo docente) de xeito que cada equipo debería de realizar as seguintes tarefas:

• Consulta sobre a Confederación de Anpas Galegas
• Lectura e análise das bases do Concurso “Somos rural”
• Elección por votación de Protagonista Video
• Elección por votación de proposta tema video
• Nomeamento Director e responsable grabación e fotografía.
• Elección por votación título do proxecto
• Nomeamento 3 persoas realización cartaz
• Eleccións de 8-10 fotografías realizadas de xeito individual por todos os membros do equipo

NOTA: En relación á temática de cada grupo sopesouse, por parte do equipo docente, a realización de videos que requerisen grabación externa ao ámbito do centro escolar. Esta cuestión foi rexeitada pola dificultade de saídas, en horario escolar, a distintos puntos do Concello por alumnado menor de idade.

NOTA: Aos equipos informóuselles da posibilidade de non presentar o proxecto resultante ao Concurso no caso de non considerar, a ollos do profesorado da materia, que ditos proxectos non cumpriran algúns dos estandares legais solicitados.

O grupo B elixeu unha temática relacionada coa posta en valor das vantaxes do Concello de Curtis como lugar de residencia. Un lugar de forte tradición rural centro xeográfico da Galicia Norte e que posee equipamentos e infraestructuras de alta calidade que á súa vez respeta e potencia a súa forte tradición agrogandeira. Noutras palabras, unha bisbarra rural que demanda standares de vida da maior calidade. Este grupo A, en cambio, desmarcouse do anterior pois decidiron que o humor fose a liña predominante na posta en coñecemento de aspectos do rural tópicos e típicos para moitos dos turistas urbanos que nos visitan.

A falta de presa nas tarefas, o nome dos lugareños, unha volta en tractor, o ruido… son aspectos do rural sacralizados polo turista urbano que, insitimos, son tratados con humor polo noso equipo.

Este grupo de alumn@s realiza un vídeo onde se potencia a participación dunha soa actriz a cal mostra unhas altas dotes escénicas. Propúxose a realización dun vídeo con humor pero á vez que reflectise as vantaxe desta bisbarra e así xurdeu a historia que conxuga graciosamente sentimentalismo co choque que para un residente urbano pode representar o contacto co rural. Buscáronse diversas alternativas ata acadar o famoso video do grupo PANTOMINA FULL sobre o turismo rural. Sirveu este video así como base e referente para a realización para a entrevista.