• Título: “Hórreos: patrimonio cultural inmaterial”.
• Centro: CEIP PLURILINGÜE OS CASAIS
• Curso: 3º Primaria, 4º Primaria, 5º Primaria, 6º Primaria

En Galicia, hai construcións misteriosas que atravesan séculos, gardando segredos e tradicións. Os hórreos, antigos celeiros de pedra e madeira, son máis ca simples depósitos de cereais. Pero alén das lendas, cal é a verdadeira historia destas estruturas únicas?

Hai indicios de que os hórreos teñen a súa orixe antes da chegada dos romanos a Galicia e representan unha das construcións rurais máis icónicas do noso país. En Magalofes, unha pequena parroquia do noso concello, atopamos un conxunto notable de hórreos, testemuñas vivas do rural galego. Ademais da súa importancia funcional, aínda que moitos xa están en desuso, estas estruturas son patrimonio cultural. Desde a Asociación Veciñal de Magalofes levan un tempo facendo un importante traballo para a conservación destes elementos arquitectónicos.

Para preservar e divulgar este patrimonio, foi creada a Rede Hórrea, un proxecto que conecta os hórreos máis emblemáticos da Galicia e promove a súa conservación. A través desta iniciativa, estas estruturas seguen a ser valorizadas e estudadas, garantindo que a súa historia non se perda no tempo.